2022 йилнинг 22 август куни Франциянинг Ўзбекистондаги элчихонаси ташаббуси билан Франция олий таълим тизимида таҳсил олган битирувчиларнинг биринчи йиғилиши бўлиб ўтди. Тадбир кўтаринки ва юқори кайфиятда ўтди.

    Франциянинг Ўзбекистондаги Фавқулодда ва мухтор элчиси Орелия Бушез даврани кириш сўз билан очиб, икки мамлакат ўртасидаги фан, таълим, маданият ва иқтисодиёт соҳасида олиб борилаётган ўзаро ҳамкорлик алоқаларини таъкидлаб ўтди. Шунингдек, Францияда ўқиётган ўзбек талабаларининг сони йилдан йилга ошиб бораётганини алоҳида таъкидлади.

    Хусусан, Орелия Бушез ўз нутқида Самарқанд давлат университетида фаолият юритаётган Campus France ахборот маркази ҳақида алоҳида тўхталиб, Ўзбекистоннинг нуфузли университети билан ўрнатилган ушбу ҳамкорлик таълим тизими учун нақадар муҳим эканлигини айтиб ўтди.

    Шунингдек, тадбирда Самарқанд давлат университети ноорганик кимё ва материалшунослик кафедраси доценти, Францияниниг Лилл университети битирувчиси (2013 йил) Хуршид Тошпўлатов ҳам фаол иштирок этди.

Samarqand davlat universiteti

Axborot xizmati.