Шароф Рашидов номидаги Самарқанд давлат университетида ҳар йили иқтидорли талабалар танлаб олиниб, уларга илмий раҳбарлар бириктирилади. Ҳозирда 1500 дан ортиқ талаба илмий-тадқиқот ишларига жалб қилинган. 2024–2025-ўқув йилида 958 нафар талаба иқтидорли сифатида сараланиб, уларнинг илмий мавзулари тасдиқланди.

    Иқтидорли талабаларнинг фаолияти мунтазам илмий семинарларда, кафедра йиғилишлари ва факультет илмий кенгашларида муҳокама этилиб, натижалар илмий журналларда чоп этилмоқда. Шунингдек, махсус гуруҳлар ташкил этилди ва қўшимча машғулотлар йўлга қўйилди.

    «Ёшлар академияси» фаолияти

    Олий таълим, фан ва инновациялар вазирининг 2023-йил 8-августдаги 349-сон буйруғи ижроси доирасида университетда Ёшлар академияси ташкил этилди. Академиянинг университет етакчиси этиб Интеллектуал тизимлар ва компьютер технологиялари факультети 2-босқич магистранти, «Инновацион ғоялар етакчиси» кўкрак нишони соҳиби Эсанов Отабек Олимжон ўғли сайланди.

    Фан олимпиадалари ва танловларда ютуқлар

• 2024-йил ноябр ойида Туркманистонда ўтказилган халқаро олимпиадада 1 олтин ва 2 кумуш медаль қўлга киритилди.
• Россиянинг РУДН университети экологик олимпиадасида 8 нафар талаба ғолиб бўлди.
• Томск давлат университети халқаро фан олимпиадасида 3 талаба совриндор бўлиб, магистратурага муддатидан олдин тавсия этилди.
• 2023-йил октябр ойида Нукус шаҳрида бўлиб ўтган Мухаммад ал-Хоразмий номидаги II Халқаро математика олимпиадасида СамДУ жамоаси биринчи ўринни қўлга киритди.

    Стипендия танловлари натижалари

• 1 талаба – Президент давлат стипендияси,
• 10 талаба – Навоий номидаги давлат стипендияси,
• 2 талаба – Улуғбек номидаги давлат стипендияси,
• 1 талаба – Ислом Каримов номидаги давлат стипендияси соҳиби бўлди.