Магистратура маркази
Магистратура маркази бошлиғи
Низамова Нигора Негматовна
- Қабул вақти: Душанба, чоршанба, жума кунлари 15:00 дан 17:00 гача
- Телефон: 0-366-239-15-23
- Электрон почта: n-nizomova@samdu.uz
Биография
САМАРҚАНД ДАВЛАТ УНИВЕРСИТЕТИ МАГИСТРАТУРА МАРКАЗИ
Самарқанд давлат университетида магистратура бўлими 1999-йил ташкил етилган. Магистратура бўлимини доцент О.Пардаев (1999-2002-йиллар), доцент Й.Жўраев (2002-2003-йиллар), доцент Р.Эшбўриев (2003-2011-йиллар), доцент М.Мўминов (2011-2013-йиллар), доцент З.Раҳмонова (2013-2017-йиллар), доцент Х.Х.Рўзимурадов (2017-2019-йиллар) лар бошыариб келганлар. 2019-йил май ойидан Н.Н.Низамова раҳбарлик қилмоқда.
Ҳозирги пайтда магистратура бўлими Ўзбекистон Республикаси Вазирлар Маҳкамасининг 2015-йил 2-мартдаги 36-сон қарори билан кучга кирган “Магистратура тўғрисидаги низом”га асосан фаолият олиб бормоқда.
Университет магистратура бўлимининг 1-курсида 47 та мутахассислик бўйича 380 нафар магистрант, 2-курсида 41 та мутахассислик бўйича 237 нафар магистрант, жами 617 нафар магистрант таҳсил олмоқда. Шулардан 7 нафари хорижий мамлакатлар (Корея, Хитой ва Афғонистон) фуқароларидир. Бу мутахассисликлар бўйича магистрантларни тайёрлаш 50 та кафедра зиммасига юклатилган. Ҳар бир факултетда видеокузатув камералари ва видеопроектор билан жиҳозланган магистрантлар хонаси ташкил етилган.
Мутахассислик фанларидан дарсларни ўтишга ва магистрлик диссертацияларига илмий раҳбарлик қилиш учун университетнинг тажрибали профессор-ўқитувчилари жалб етилган. Бундан ташқари, магистратура ўқув жараёнига ва илмий раҳбарликка республикамиздаги нуфузли олий таълим муассасаларидан ҳамда Ўзбекистон Республикаси Фанлар академиясининг тармоқ институтларидан таниқли олимлар, мутахассислар таклиф етилган.
Магистрантларни илмий-тадқиқот ишларига жалб етиш, конференсияларга фаол иштирокини таъминлаш, кузатишлари ва илмий тадқиқотлари натижалар асосида илмий мақолалар чоп етиш масалаларига ҳам алоҳида еътибор берилмоқда. Университет магистрантларининг анъанавий илмий конференсиясида магистрантларимизнинг аксарият қисми ўз диссертацияси мавзуси асосида маъруза қилмоқда. Кейинги йиллар давомида магистрантларнинг икки қисмдан иборат конференсия тўпламлари чоп етиб келинмоқда.
Бир қатор иқтидорли талабаларимиз магистратурада ўқиши давомида илмий-тадқиқот ишлари билан жиддий ва муваффақиятли шуғулланиб, нуфузли давлат стипендиялари, танловлар ва мукофотлар совриндорлари бўлдилар.
Магистратура бўлимининг вазифалари:
- Самарқанд давлат университетида мутасадди кафедралар ва деканатлар билан биргаликда фаолиятини мувофиқлаштириш;
- Ўзбекистон Республикасининг таълимга оид Қонунлари, Президент Фармонлари, Фармойишлари, Қарорлари, Вазирлар Маҳкамасининг Қарорлари, Олий ва ўрта махсус таълим вазирлигининг Ҳайъат Қарорлари, буйруқлари, йўриқ хат, модемограмма ва телефонограммаларини, шунингдек, ректор буйруқларининг факультетлар, кафедралар, бўлимларда бажарилишини таъминлаш ва мониторингини олиб бориш;
- Ўзбекистон Республикаси Президенти ва ҳукумати томонидан қабул қилинган фармон ва қарорлар мазмунини талабаларга етказиб бориш;
- Магистратура мутахассисликлари учун зарурий норматив-ҳуқуқий ҳужжатларни ишлаб чиқиш, кадрлар буюртмачилари талаб ва таклифлари асосида уларни мунтазам такомиллаштириб бориш;
- университети билан корхона, ташкилот, хусусий корхона ва фирмалар ўртасида йўналиш бўйича манфаатли ҳамкорлик шартномаларини тузиш ва уларни амалга ошириб бориш;
- университет барча бўлинмаларининг магистрлар тайёрлаш бўйича фаолиятини мувофиқлаштириш ва назорат қилиш;
- магистрлар тайёрлаш бўйича ўқув жараёнини ташкил этиш ва амалга оширишга кўмаклашиш;
- магистрантларга тақдим этилаётган таълим ва ўқитиш сифатини назорат қилиш;
- магистратурада педагогик фаолиятга жалб этиладиган ўқитувчиларга юклатилган вазифаларни амалга оширишларини назорат қилиш, уларни ижтимоий-касбий ва шахсий фаоллигини ошириш;
- магистратурада мавжуд ҳолатни тизимли равишда таҳлил қилиш, муаммоли ҳолатларни аниқлаш, магистратурани ривожлантириш тенденциялари бўйича устувор йўналишларни аниқлаш;
- магистрларни келгусида ишга жойлашиши устидан мунтазам мониторингни амалга ошириш;
- магистратнларнинг илмий-педагогик, илмий-тадқиқот ва магистрлик диссертациясини тайёрлаш бўйича фаолиятини “Магистратура тўғрисида” Низомга мувофиқ магистратларнинг календарь иш режасига биноан амалга оширилишини назорат қилиш;
- магистрлар тайёрлаш масалаларини таҳлил қилиш ва улар юзасидан мунтазам равишда ҳисоботлар тайёрлашни таъминлаш;
- ЯДА синовлари ва магистрлик диссертацияси ҳимоясини самарали ташкил этишни таъминлаш.
Магистратура тўғрисидаги Низом
Магистратура талабасининг календар иш режаси
Магистрантларнинг илмий-педагогик ва илмий-тадқиқот фаолияти дастури