Самарқанд давлат университети профессори Хуршид Бозоровга

    “TOP cited article” сертификати тақдим этилди

    Олимнинг мақоласидан Scopus va Web of Science маълумотлар базасида сўнгги икки ярим  йилда 234 марта иқтибос олинган...

    Самарқанд давлат университети органик синтез ва биоорганик кимё кафедраси профессори Хуршид Бозоровнинг 2019 йилда хитойлик ҳамкорлар билан “Bioorganic & Medicinal Chemistry” журналида (Scopus вa Web of Science)  “1, 2, 3-Triazole-containing hybrids as leads in medicinal chemistry: A recent overview” номли  мақоласи чоп этилган эди.

     Хуршид Бозоровнинг мазкур мақоласи “Elsevier” нашриётининг Оксфорддаги ваколатхонаси томонидан “Bioorganic & Medicinal Chemistry” журналида сўнгги 3 йилда  нашр этилган 2000 дан ортиқ илмий мақолалар ичида “Энг кўп иқтибос олинган” (“TOP cited articles”) илмий мақолалар рўйхатида 1-ўринни эгаллади. Мақола муаллифига “TOP cited article” сертификати тақдим этилди. (мақоладан Scopus va Web of Science маълумотлар базасида сўнгги 2.5 йилда 234 марта иқтибос олинган).

    Маълумот учун Elsevier нашриётининг “Bioorganic & Medicinal Chemistry” журнали тиббий кимё йўналишида ТОП-10 рўйхатига киритилган. Журнал 3.6 импакт факторга (IF) эга.

Самарқанд давлат университети
Ахборот хизмати