Олий ва ўрта махсус таълим вазирлиги ҳузуридаги Маънавият ва Маърифат маркази томонидан эълон қилинган “Ватан тараққиётига менинг ҳиссам” шиори остида ўтказилган  мақолалар танловини баҳолаш жараёни якунига етди. Бунда 4 йўналиш бўйича икки ярим мингдан ортиқ иштирокчи ўзининг мақолалари билан қатнашди.

Самарқанд давлат университети юридик факультети талабаси Алижон Собиров танловда “Миллатлараро тотувлик ва диний бағрикенглик – ўзбек халқининг юксак қадриятидир” йўналиши бўйича қатнашиб, иккинчи ўринни қўлга киритди. Танловда “Толерантлик – тинчликни таъминловчи атрибут сифатида” мавзуси билан иштирок этди.

Алижон Собировнинг бу кунга қадар 10 га яқин илмий мақолалари Россия, Болгария, Ҳиндистон каби давлатларнинг нуфузли журналларда нашр этилган. Ҳозирда “Ноосфера – жамият тарққиётининг субстанцияси сифатида” мавзусида илмий иш олиб бормоқда. Илмий раҳбари фалсафа фанлари доктори, доцент Гулноза Султонова.

- Бу кунга қадар бир қатор илмий ва бадиий мақолаларим нуфузли газета ва журналларда чоп этилган. Ушбу танловда “Толерантлик – тинчликни таъминловчи атрибут сифатида” мавзусидаги илмий мақолам билан иштирок этдим, - дейди Самарқанд давлат университети юридик факультети талабаси Алижон Собиров. – Толерантлик, яъни бағрикенглик миллатлар ва диний конфессиялар орасида тинчликни таъминловчи ва барқарорликка етакловчи бир омилдир. Зеро, бағрикенглик бошқаларнинг фикр, ғоя, мафкуравий қарашларига ҳамда уларнинг ҳатти-ҳаракатларига  нисбатан ҳурматда бўлишни англатади. Бағрикенгликни зидди сифатида эса, мутассиблик ва эгоизм каби иллатларни кўришимиз мумкин…

Беҳруз Шамсиддинов

Самарқанд давлат университети

Ахборот хизмати ходими,

Шавкат Акрамов олган суратлар.