Самарқанд давлат университети халқаро таълим дастурлари факультети талабаларининг ота-оналари учун йиғилиш бўлиб ўтди. Уни факультет декани, доцент Тўлқин Ўрозов очиб бериб, университет ҳаёти, баҳолаш тизими, яратилган имкониятлар бўйича батафсил маълумотлар берилди.

    - Самарқанд давлат университети халқаро таълим дастурлари(2+2) факультети 2019 йилда ташкил топган. Бугунги кунгача 300 нафар талаба таҳсил олмоқда, - дейди факультет декани, доцент Тўлқин Ўрозов. – Ўнгга яқин хорижий ўқув юртлари билан алоқаларни йўлга қойганмиз. Ҳозирда элликдан ортиқ талабаларимиз бир қатор нуфузли олий таълим даргоҳларида ўқишни давом эттирмоқда...

    - Бугун илк маротаб фарзандимнинг ўқиши сабабали Самарқанд давлат университети ҳаёти билан танишмоқдаман. Таасуротларим аъло даражада, -дейди талабанинг отаси   Расул Равшанов. – Энг қувонарлиси қисқа вақт ичида ўқиши билан биргаликда чет тилларини ўрганиш учун астойдил ҳаракат қилмоқда. Бу албатта, ҳар бир ота-онанинг орзуси бўлса керак. Яна шуниси аҳамиятлики, насиб қилса 2023 йилда фарзандим ўқишини чет давлатда давом эттиради. Биз албатта бундан хурсандмиз.

​

Беҳруз Шамсиддинов

Самарқанд давлат университети

Ахборот хизмати ходими

Шавкат Акрамов олган суратлар.