Самарқанд давлат университети агробиотехнологиялар ва озиқ-овқат хавфсизлиги факультетида футбол спорт тури бўйича “Декан кубоги” бўлиб ўтди. Мусобоқада 9 жамоа жисмоний тайёргарликларини синовдан ўтказишди. Финалда факультетнинг 202-гуруҳ талабалари ғолибликни қўлга киритиб, “Декан кубоги”га сазовор бўлди. 

    - Бу каби бир қатор спорт мусобоқаларнинг ўтказилиши, ҳам жисмоний, ҳам руҳий тайёргарлигимизни янада оширишга хизмат қилади - дейди талаба Нўмон Жумаев. – Қолаверса, бу тадбирларнинг тез-тез бўлишига талабаларнинг ўзлари хайриҳоҳдирлар. Бўш вақтимизни мазмунли ўтиши учун Самарқанд давлат университетида барча шароитлар яратилган. Биз эса бундан мамнунмиз.

    Мусобоқа сўнгида иштирокчилар эсдалик совға ва дипломлар билан тақдирланди.

​

Беҳруз ШАМСИДДИНОВ
Самарқанд давлат университети
Ахборот хизмати ходими
Шавкат Акрамов олган суратлар.