Самарқанд давлат университети физика факультетида “Конституция-бахтимиз қомуси” ва “Коррупсия тарақиёт душмани” мавзусида давра суҳбати бўлиб ўтди. Йиғилишда факультет декани, Ички Ишлар ходими, СамДУ коррупсияга қарши курашиш бўлими бошлиғи маърузалари билан қатнашди.

    - Ёшларнинг ҳуқуқий билимини бойитиш, сиёсий салоҳиятини юксалтириш демократик жамият барпо этишнинг муҳим шартидир, - дейди физика факультети декани, доцент Рустам Ражабов. - Юксак ҳуқуқий маданият инсон баркамоллигининг энг муҳим жиҳати саналади. Ҳуқуқий маданиятни шакллантиришда таълим муассасаларида ташкил этиладиган машғулотлар, очиқ дарс ва тадбирлар муҳим аҳамият касб этади.

    - Коррупсияга қарши курашда халқаро бирдамлик ва ҳамкорликни таъминлаш давр талабига айланмоқда, - дейди СамДУ коррупсияга қарши курашиш бўлими бошлиғи Рўзиқул Абриев. -  Коррупсия иқтисодий ўсишга ва оммавий фаровонликни оширишга тўсқинлик қилувчи куч саналади. Шунинг учун унга қарши курашмасдан туриб, жадал иқтисодий ўсишни ва ижтимоий муаммоларнинг самарали ечимини таъминлаб бўлмайди.

​

Беҳруз Шамсиддинов
Самарқанд давлат университети
Ахборот хизмати ходими
Шавкат Акрамов олган суратлар