Самарқанд давлат университети ректори, Олий Мажлис Сенати аъзоси, профессор Рустам Холмуродов уй шароитида якка тартибда таълим олувчи мактаб ўқувчилари ҳолидан хабар олди.

    Шоҳруз Исматов 30-мактабнинг 1-синф ўқувчиси. У Даун синдромига қарши курашиш билан бирга таълим олиш учун ҳаракат қилмоқда. Рустам Холмуродов Шоҳруз билан суҳбатлашар экан, унинг ўқишларига омад ва юксак марралар тилади.

    Ушбу мактабнинг 2-синф ўқувчиси Савлатбек ҳам китоб мутолаасига, хусусан математика ва адабиёт фанларига қизиқади.

    Рустам Холмуродов Савлатбекнинг орзулари ҳақида сўради.

    - Мен катта бўлсам олим бўлмоқчиман. Математика фанини яхши кўраман. Сиз билан кўришганимдан қувондим. Энди янада яхшироқ ўқийман. Худо хоҳласа тузалиб, Самарқанд давлат университетига ўқишга кирмоқчиман, - дейди Савлатбек Исматов.

    Рустам Холмуродов Савлатбекка омад ва соғлик тилади.

Отабек Саъдуллаев,
Самарқанд давлат университети 
Ахборот хизмати ходими.
Шавкат Акрамов олган суратлар.