Талаба фикри: “Тюторларимизнинг ёрдами сабаб, қулай ва шароитлари яхши бўлган хонадонга жойлашдим”

Самарқанд давлат университети биология факультетида 1300 га яқин талаба таҳсил олмоқда. Шундан 300 нафари ижарада туради. Бу талабалар доимий равишда тюторлар томонидан назоратда, шунингдек уларнинг яшаши учун етарлича имконият яратилган.

- Мен қашқадарёликман, СамДУ биология факультети 1-босқичда таҳсил оламан. Ўқиш бошланганида турар жой билан муаммоларим бор эди, - дейди талаба Сабина Аҳмаджонова. - Тюторларимизнинг ёрдами сабаб, қулай ва шароитлари яхши бўлган хонадонга жойлашдим. Бу ердаги ижара нархи ҳам ўзимга маъқул. Ҳозир бир хонада 3 киши турибмиз. Биз учун маъсул бўлган тюторларимиз тез-тез аҳволимиздан бохабар бўлиб туришибди.

- Самарқанд давлат университети биология факультетида муҳит яхши, ўқишдан бўш вақтимизда турли хил танлов ва спорт мусобоқаларига қатнашиш йўлга қўйилган, - дейди талаба Неъматилло Норов. – Тюторларнинг саъй-ҳаракати билан ижарада турувчи талабаларнинг шароитлари доимий ўрганилмоқда. Маъсулларнинг борлиги сабаб, ота-онамизнинг биздан хавотир олишга ҳожат йўқ. Қолаверса, биз талабалар бундан ҳам хурсандмиз.