Ҳоким ва маҳалла раислари учрашуви давом этмоқда…

Самарқанд давлат университетида Қўшработ, Тойлоқ, Ургут, Пахтачи туманларининг 249 нафар маҳалла раислари учун бир ҳафталик ўқув-семинарлар бошланди.

Мазкур ўқув-семинарларга Олий ва ўрта махсус таълим, Маҳалла ва нуронийларни қўллаб-қувватлаш вазирлиги, Самарқанд вилояти ҳокимлиги, Адлия бошқармаси, Ёшлар ишлари агентлиги, Иқтисодиёт ва камбағалликни қисқартириш бошқармаси вакиллари тренер-модератор сифатида таклиф этилган.

Шунингдек, машғулотлар доирасида ҳудудларда сектор раҳбарлари билан учрашув ҳам белгиланган.

Самарқанд вилояти ҳокими Эркинжон Турдимов маҳалла раислари билан учрашувни таҳлилий-танқидий руҳда ўтказди. Маҳалла раисларининг вазифа ва мажбуриятлари ҳақида алоҳида таъкидланди…

Ушбу тадбирда Самарқанд давлат университети ректори, профессор, Олий Мажлис Сенати аъзоси Рустам Холмуродов ҳам иштирок этди.