Universitet talabalarini Qozog‘istonning Nazarboyev universiteti (Nazarbayev University) tomonidan tashkil etilayotgan 2027-yil bahorgi semestr uchun akademik mobillik dasturida ishtirok etishga taklif etamiz.

Ushbu dastur talabalarga Markaziy Osiyoning yetakchi tadqiqot universitetlaridan birida tahsil olish, xalqaro akademik tajriba orttirish, zamonaviy ta’lim muhiti bilan tanishish hamda kasbiy kompetensiyalarini rivojlantirish imkoniyatini taqdim etadi.

  • Nomzodlarni tavsiya etish muddati: 2026-yil 3-avgust – 30-sentyabr
  • Natijalar e’lon qilinishi: 2026-yil sentyabr – oktyabr
  • Ta’lim davri: 2027-yil 11-yanvar – 6-may

Kimlar ishtirok etishi mumkin?

Dasturda universitetning akademik talablarga javob beradigan hamda ingliz tilini kamida B2 darajasida biladigan talabalari ishtirok etishlari mumkin.

Ishtirok etish uchun quyidagi hujjatlar talab etiladi:

  • CV (rezyume);
  • xorijga chiqish pasporti nusxasi;
  • viza taklifnomasini olish uchun ariza shakli;
  • motivatsion xat (Motivation Letter);
  • rasmiy akademik transkript;
  • tavsiyanoma;
  • ingliz tilini B2 yoki undan yuqori darajada bilishini tasdiqlovchi sertifikat.

Barcha hujjatlar PDF formatida taqdim etilishi lozim.

Saralash tartibi

Hujjatlarning to‘liq to‘plami qabul qilingandan so‘ng, Nazarboyev universitetining tegishli fakultetlari nomzodlarni ko‘rib chiqishni boshlaydi.

Arizalar kelib tushish tartibida ko‘rib chiqiladi. Shu sababli hujjatlarni imkon qadar erta topshirish tavsiya etiladi. Bu tanlovdan muvaffaqiyatli o‘tgan talabalar uchun talabalik vizasini o‘z vaqtida rasmiylashtirish imkonini ham beradi.

“NU Academic Mobility Talks” axborot uchrashuvlari

Dasturda ishtirok etishni rejalashtirayotgan talabalar “NU Academic Mobility Talks: Experience a Semester in Kazakhstan” mavzusidagi onlayn taqdimotda qatnashishlari tavsiya etiladi.

Taqdimot davomida Nazarboyev universiteti vakillari o‘qish imkoniyatlari, talabalar hayoti hamda almashinuv dasturida ishtirok etish tartibi haqida batafsil ma'lumot beradilar.

Markaziy Osiyo, Sharqiy va Janubi-Sharqiy Osiyo hamda Kavkaz mamlakatlari ishtirokchilari uchun

  • Sana: 2026-yil 13-avgust
  • Vaqt: soat 11:00 (Astana vaqti)

Dasturda ishtirok etishni istagan talabalar ichki saralashdan o‘tish va universitet nominatsiyasini rasmiylashtirish uchun universitetning xalqaro hamkorlik boshqarmasiga murojaat qilishlari so‘raladi.

Qo‘shimcha materiallar:

Qo‘shimcha ma’lumotlar:

Nazarbayev Universitetida o‘qitiladigan fanlar ro‘yxati (List of Courses offered at NU)