Markaz direktori

Umarov Sardor Yakubovich

 

Biografiya

2009-2013 yillar - Samarqand Davlat universiteti tarix fakulteti talabasi.
2013-2015 yillar - Samarqand Davlat universiteti Umumiy tarix kafedrasi magistranti.
2015-2019 yillar – Samarqand Davlat universiteti Jahon tarixi kafedrasi kabinet mudiri. 
2019-2019 yillar - Samarqand Davlat universiteti Xalqaro ta’lim dasturlari fakulteti assistenti.

2019-2020 yillar - Samarqand Davlat universiteti Xalqaro ta’lim dasturlari fakulteti Yoshlar bilan ishlash bo’yicha dekan o’rinbosari.

2020-2022 yillar - Samarqand Davlat universiteti Xalqaro ta’lim dasturlari fakulteti O’quv ishlari bo’yicha dekan o’rinbosari.

2022-yildan Sh.Rashidov nomidagi Samarqand Davlat universiteti Xalqaro ta’lim dasturlari markazi direktori

 

MARKAZ HAQIDA

Samarqand davlat universiteti  Xalqaro ta’lim dasturlari markazi

Zamonaviy bilimlarga ega bo’lgan yuqori malakali kadrlar tayyorlash maqsadida 2019-yilda Samarqand davlat universitetida xorijiy oliy ta’lim muassasasalari bilan hamkorlikda Xalqaro ta’lim dasturlari fakulteti tashkil etildi. Mazkur fakultet 2022-yilda Xalqaro ta’lim dasturlari markaziga aylantirildi.

Xalqaro ta’lim dasturlari markazida Xitoy, Janubiy Koreya, Hindiston, Isroil, Belorus Respublikasi, Rossiya va AQSh kabi rivojlangan davlatlarning yetakchi universitetlari bilan hamkorlikda qo’shma ta’lim dasturlari mavjud.

Markazda 10 ta bakalavriat yo’nalishlari va 12 ta magistratura mutaxassisliklari bo’yicha kadrlar tayyorlash yo’lga qo’yilgan. Hozirgi kunda markazda 80 nafar, xorijiy hamkor OTMlarida esa 120 ga yaqin bakalavr va magistrantlar tahsil olishmoqda.

Markazda “Xalqaro munosabtlar”, “Iqtisodiyot (Saemaul Studies)”, “Tarix (Buyuk ipak yo’li tarixi)”, “Maktabgacha ta’lim”, “Amaliy matematika”, “Texnologik jarayonlar, ishlab chiqarishni avtomatlashtirish va boshqarish”, “Materialshunoslik va yangi materiallar texnologiyasi”, “Kompyuter ilmlari va dasturlash texnologiyalari”, “Raqamli iqtisodiyot”, “Iqtisodiyot” bakalavriat yo’nalishlarida ta’lim olib borilmoqda. Ushbu yo’nalishlar bo’yicha o’qishning birinchi va ikkinchi yillari SamDUda olib boriladi. Dastlabki ikki yillik o’qishni muvaffaqiyatli tamomlagan talabalar keyingi bosqichda xorijiy oliy ta’lim muassasalarida o’qishni davom ettiradi. Ushbu ta’lim yo’nalishlari bo’yicha xorijda o’qishni muvaffaqiyatli tugatgan talabalar SamDU va xorijiy hamkor universitetlarning ikki tomonlama diplomiga ega bo’ladi.

Magistratura mutaxassisliklari bo’yicha 12 ta qo’shma ta’lim dasturlari tashkil etilgan. Bular “Mexatronika va robototexnika”, “Geografiya”, “Inson resurslarini boshqarish”, “Xalqaro munosabatlar va zamonaviy siyosiy jarayonlar”, “Muzeyshunoslik, tarixiy-madaniy ob’ektlarni konservatsiya qilish, ta’mirlash va saqlash”, “Psixologiya”, “Hujjatchilik, hujjatshunoslik va arxivshunoslik”, “Biotexnologiya”, “Sun’iy intellekt”, “Tibbiy-biologik apparatlar, tizimlar va majmualar”, “Agrobiotexnologiya” va “Uzumchilik va vinochilik” ixtisosliklari bo’yicha mutaxassislar tayyorlanadi. Magistratura yo’nalishida tahsil oladigan talabalar o’qishning birinchi yilini SamDUda va ikkinchi yilini xorijiy OTMda olib boradi.

Bugungi kunga qadar xorijda o’qishni muvaffaqiyatli tugatgan 150 nafardan ortiq talabalar va 20 nafardan ortiq magistrantlar SamDU va xorijiy hamkor universitetlarning ikki tomonlama diplomiga ega bo’ldi. 

Markazda ta’lim jarayonlarini samarali va yuqori darajada tashkil etish maqsadida malakali mahalliy va xorijiy professor-o’qituvchilar jalb qilingan. Hozirgi kunga qadar hamkor xorijiy universitetlardan 4 nafar mutaxassislar markazda doimiy ravishda faoliyat ko’rsatishmoqda. Jumladan, Xitoydan 1 nafar, Hindistondan 1 nafar, Yaponiyadan 1 nafar va Janubiy Koreyadan 1 nafar professor-o’qituvchilar markaz talabalariga dars berib kelmoqda. Istiqbolda 10 nafarga yaqin xorijiy mutaxassislarning doimiy ravishda ta’lim jarayonlariga jalb qilinishi rejalashtirilgan.

Qo’shma ta’lim dasturlari                                                     Bitiruvchilar haqida

 

    MALAKA TALABLARI

    Bakalavriat yo'nalishlari

  • Tarix (Buyuk ipak yo’li tarixi)
  • Maktabgacha ta’lim
  • Amaliy matematika
  • Kompyuter ilmlari va dasturlash texnologiyalari
  • Materialshunoslik va yangi materiallar texnologiyasi
  • Texnologik jarayonlar, ishlab chiqarishni avtomatlashtirish va boshqarish
  • Raqamli iqtisodiyot (sohalar va tarmoqlar bo’yicha)
  • Iqtisodiyot (sohalar va tarmoqlar bo’yicha)
  • Xalqaro munosabatlar
  • Iqtisodiyot (Saemaul studies)

    Magistratura mutaxassisliklari

  • Mexatronika va robototexnika
  • Geografiya
  • Inson resurslarini boshqarish
  • Xalqaro munosabatlar va zamonaviy siyosiy jarayonlar