2026/2027-o‘quv yili uchun Italiyaning “G. d’Annunzio” (University “G. d’Annunzio” of Chieti–Pescara) universitetida Erasmus+ KA171 xalqaro akademik mobillik dasturida ishtirok etish uchun tanlov e’lon qilinadi.

    Dastur talabalarga 2026-yil 1-oktabrdan 2027-yil 28-fevralgacha bo‘lgan qishki semestr davomida Italiyada tahsil olish imkoniyatini beradi.

    Stipendiya haqida ma’lumot

Saralab olingan ishtirokchilarga quyidagilar taqdim etiladi:

• Mobillik davri davomida oyiga 900 yevro (umumiy stipendiya miqdori – 4 500 yevro);

• Ishtirok etish imkoniyati cheklangan talabalar uchun (Erasmus+ moliyalashtiruvi mavjud bo‘lgan taqdirda) oyiga qo‘shimcha 250 yevro miqdorida to‘lov;

• Erasmus+ masofani hisoblash qoidalariga muvofiq transport xarajatlari uchun moliyaviy ko‘mak;

• Kyeti yoki Peskara shaharlaridan turar joy topishda ko‘mak;

• Mobillik davri boshlanishidan oldin va davomida italyan tili kurslari.

Ushbu tanlov bakalavriatning bitiruvchi bosqich talabalari, magistrantlar va doktorantlar (PhD) uchun.

Tanlovda quyidagi talablarga javob beradigan talabalar ishtirok etishlari mumkin:

• Rasmiy transkript bilan tasdiqlangan yuqori akademik o‘zlashtirish ko‘rsatkichi;

• Ingliz yoki italyan tilini CEFR shkalasi bo‘yicha kamida B1 darajasida bilish;

(Ingliz tilida o‘qitiladigan fanlarni tanlagan nomzodlarga ustunlik beriladi.)

Ingliz tilidagi ta’lim dasturlari

• Farovonlik va faoliyat samaradorligi psixologiyasi;

• Planetar fanlar;

• Sog‘liqni saqlash sohasidagi reabilitatsiya fanlari;

• Qurilish muhandisligi va madaniy meros;

• Kompyuter kognitiv fanlari;

• Iqtisodiyot va menejment;

• Biznesni baynalmilallashtirish va innovatsiyalar sohasidagi huquqiy tadqiqotlar.

Kerakli hujjatlar

Nomzodlar quyidagi hujjatlarni tayyorlashlari lozim:

1.  Pasport nusxasi;

2.  Akademik transkript (Transcript of Records);

3.  2026/2027-o‘quv yilida tahsil olayotganligi haqida ma’lumotnoma/sertifikat;

4.  Ingliz yoki italyan tili darajasini (kamida B1) tasdiqlovchi sertifikat;

5.  Tadqiqot mavzusi tavsifi (faqat PhD talabalari uchun).

Ma’lumot uchun: Talabalar mustaqil ravishda ariza topshira olmaydilar. Barcha hujjatlar universitetning Xalqaro hamkorlik boshqarmasi orqali taqdim etilishi lozim.

Universitet 2 ta asosiy va 2 ta zaxira nomzodni tavsiya (nominatsiya) qilishi mumkin.

Nomzodlarni taqdim etishning oxirgi muddati: 2026-yil 18-may (mahalliy vaqt bilan soat 23:59).

Ishtirok etish istagida bo‘lgan talabalarga imkon qadar tezroq universitet Xalqaro hamkorlik boshqarmasiga murojaat qilish tavsiya etiladi.

Foydali havolalar

• “G. d’Annunzio” universitetining rasmiy sayti (https://www.unich.it/);

• Ingliz tilida o‘qitiladigan kurslar (https://www.unich.it/didattica/offerta-formativa/corsi-di-studio-lingua-inglese);

• Ta’lim dasturlarining to‘liq ro‘yxati (https://www.unich.it/didattica/offerta-formativa);

• Fanlar katalogi (https://www.unich.it/didattica/programmi-degli-insegnamenti);

• Erasmus+ masofa kalkulyatori (https://erasmus-plus.ec.europa.eu/resources-and-tools/distance-calculator);

• EU Academy til testi (https://academy.europa.eu/);

• Ud’A’da Erasmus+ KA171 dasturi (https://www.unich.it/internazionale/erasmus-ka171).

Iqtidorli va g‘ayratli talabalarni ushbu xalqaro akademik mobillik imkoniyatidan foydalanishga hamda Italiyada ta’lim va tajriba orttirishga chorlaymiz!

Ilova