2025 йил 4 ноябрь куни нуфузли QS Quacquarelli Symonds халқаро рейтинг агентлиги томонидан эълон қилинган Осиёнинг энг яхши университетлари рейтинги – “QS Asia University Rankings 2026” эълон қилинди.  Ушбу рўйхатдан Ўзбекистоннинг 20дан ортиқ олий таълим ташкилотлари жой олди (https://www.topuniversities.com/asia-university-rankings?countries=uz). Эътироф этиш керакки, Ўзбекистон олий таълим муассасаларидан 8 таси ўз ўрнини ўтган йилги натижаларга нисбатан яхшилаган.

    Рейтинг натижалари мамлакатимиз олий таълим тизимида олиб борилаётган ислоҳотлар ва халқаро ҳамкорликни кенгайтириш йўлидаги саъй-ҳаракатларнинг амалий натижасини тасдиқлайди.

    Эътиборли жиҳати шундаки, баҳолаш натижаларига кўра ушбу рейтингда Самарқанд давлат университети Осиёнинг энг яхши университетлари рўйхатида 307-ўринни, Ўзбекистонда эса 5-ўринни эгаллаган (https://www.topuniversities.com/asia-university-rankings).

    Маълумот учун, мазкур халқаро рейтингда Осиёнинг 25  мамлакат ва ҳудудидан 1500 дан ортиқ университетлар иштирок этиб, улардан 557 таси рўйхатга илк бор киритилган. Рейтинг мезонлари илмий салоҳият, халқаро нуфуз, битирувчиларнинг бандлик даражаси, ўқув жараёнининг сифат кўрсаткичлари ҳамда халқаро ҳамкорлик фаолиятига асосланади.