Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов Хитой Халқ Республикасининг Ренмин университети президенти Ма Хуаиде бошчилигидаги делегацияни қабул қилди.

    Учрашувда Самарқанд давлат университетининг масъул раҳбарлари ҳамда Хитой томони вакиллари — Ренмин университети Халқаро ҳамкорлик офиси директори Жанг Дамиао, Фалсафа факультети декани Занг Фэнъюй, Президент офиси бошқарувчиси Жанг Юймин ва Халқаро ҳамкорлик офиси координатори Лю Яо иштирок этдилар.

    Мулоқот давомида математика, тарих ва археология йўналишларида ҳамкорлик алоқаларини ривожлантириш, профессор-ўқитувчилар ҳамда талабалар алмашинувини йўлга қўйиш, икки мамлакатнинг маданий мероси ва тарихий ёдгорликларини асрашга қаратилган илмий-амалий лойиҳаларни амалга ошириш, шунингдек, ҳамкорликда кўргазмалар ташкил этиш масалалари муҳокама қилинди.

    Учрашув якунида томонлар ўзаро манфаатли ҳамкорликни янада кенгайтириш борасидаги келишувларни қўллаб-қувватлаб, ҳамкорлик тўғрисидаги меморандумни имзоладилар.