Самарқанд давлат университети ректори,

        Ўзбекистон Республикаси фан арбоби,

        Олий Мажлис Сенати аъзоси

        Рустам Холмуродовнинг

        халқимизга, талабаларга,

        профессор-ўқитувчилар,

        зиёлилар, олий ўқув юртлари

        мутасаддилари, ота-оналар ва

        нуронийларга

 

МУРОЖААТНОМАСИ

    Президентимиз Шавкат Мирзиёевнинг ёшлар билан ўтказган мулоқотидан келиб чиқиб мурожаат қилмоқчиман.

Азиз талабалар!

    Президентимиз учрашув давомида жуда катта имкониятлар портфелини сизга тақдим этди. Ҳар бир ёш у талаба бўладими, ҳунарманд бўладими, ишчи-хизматчи бўладими, тадбиркор ёки фермерми, Президентимиз илгари сурган имтиёз ва қулайликлардан унумли фойдаланиши керак. 

    Президентимизнинг учрашувдаги нутқини чуқур ўрганишингиз, таҳлил қилишингиз, ҳар бирингиз ўз ҳаётингизга татбиқ қилишингиз керак.

Ҳурматли, профессор-ўқитувчилар,

зиёлилар, олий ўқув юртлари

мутасаддилари!

    Ҳар бир талаба ёшга ўз фарзандингиз қаторида қарашингиз, меҳр кўрсатишингиз, ҳаётда ўз ўрнини топишига, кўмаклашишингиз зарур.

    Президент учрашувда билдирган фикрларни ёшларимиз онгига сингдиришда виждонан жонбозлик кўрсатишингиз керак.

    Бу, энг аввало, ёшлар таълим-тарбиясига алоҳида эътибор қаратишдан бошланади. Билим беришда ҳалоллик ва адолат тамойилларига амал қилишингиз зарур. Бу борада замонавий технологиялар ва интернет имкониятидан тўғри ва ўринли фойдаланиш муҳим.

    Жадид боболаримиз ўз ҳисобидан мактаблар очишган. Босмахоналар барпо этишган. Китоб, журнал, газеталар чоп қилишган.

    Биз ҳеч бўлмаганда, болаларимизни яхши ўқитиб, натижалар кўрсатишимиз зарур.

Қадрли ота-оналар!

    Президент сизнинг болаларингиз учун шунчалик жон куйдираётган бир пайтда Сиз ва бизнинг лоқайд бўлишга ҳаққимиз йўқ. Болаларимизни яхши ўқиши, ҳунар ўрганиши, тадбиркорлик қилиши учун Сиз ҳам ўз ҳиссангизни қўшинг.

    Мактаб, техникум ёки олий ўқув юрти бўладими, болаларингизнинг ўқишини назорат қилинг. Уларни дарсдан ташқари вақтларда нималар билан бандлигига қизиқинг.

    Ўқитувчи ва тарбиячилар билан яқин алоқа ўрнатинг. Фарзандингизда кечаётган ҳар қандай психологик ўзгаришларга бефарқ бўлманг. Президент яратиб берган шароитлардан болангиз тўғри фойдалана олса, эртага нафақат ўзини, балки бутун оиланинг тақдирини ўзгартириб юборади.

    Ота-она ва таълим даргоҳи тушунчасидан, энг аввало, Сиз манфаатдор эканлигингизни унутманг!

Муҳтарам нуронийлар!

    Сиз ҳаётда тўплаган катта тажриба – кўрган-кечирганларингиз ҳақида ёшларимизга ҳикоя қилиб беришингиз жуда муҳим. Уларнинг келажакда ватанпарвар, миллатпарвар бўлиб улғайишида масъул эканлигингизни алоҳида таъкидлашни истайман.

    Ёшлар онгини турли бало-офатлардан ҳимоя қилишга, ота-она- таълим муассасаси-маҳалла концепциясига амал қилишда сизнинг ёрдамингизга таянамиз.

    Президентимиз учрашувда билдирган фикр-мулоҳазаларини ота-оналарга ҳам етказиш ва тарғиб қилиш учун масъулсиз.