Ватан олдидаги бурч...

Самарқанд давлат университети магистрантларининг 9 нафари ва докторантларининг 9 нафари таълимни Венгрия, Италия, Исландия, Германия, Хитой, Жанубий Корея университетларида давом эттиради.
Хорижда таҳсил олишга, илмий изланишлар олиб боришга отланаётган ёшларни Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмурадов қабул қилди.
Мулоқот давомида Рустам Холмуродов талабаларига омад ва муваффақият тилаш билан бирга, уларнинг зиммасидаги масъулият ҳамда Ватан ва халқ олдидаги бурчлари ҳақида сўз юритди. Билдирилган ишончни албатта оқлашлари зарурлигини алоҳида таъкидлади.