Samarqand davlat universiteti magistrantlarining 9 nafari va doktorantlarining 9 nafari ta’limni Vengriya, Italiya, Islandiya, Germaniya, Xitoy, Janubiy Koreya universitetlarida davom ettiradi.

    Xorijda tahsil olishga, ilmiy izlanishlar olib borishga otlanayotgan yoshlarni Samarqand davlat universiteti rektori, O‘zbekiston Respublikasi fan arbobi, Oliy Majlis Senati a’zosi Rustam Xolmuradov qabul qildi. 
    Muloqot davomida Rustam Xolmurodov talabalariga omad va muvaffaqiyat tilash bilan birga, ularning zimmasidagi mas’uliyat hamda Vatan va xalq oldidagi burchlari haqida so‘z yuritdi. Bildirilgan ishonchni albatta oqlashlari zarurligini alohida ta’kidladi.