Hurmatli Rustam Ibragimovich!
Tomsk davlat universitetining Milliy tadqiqot universiteti jamoasi nomidan Sizni hamda Samarqand davlat universitetining butun akademik jamoasini 21-sentabr — Universitet kuni munosabati bilan samimiy muborakbod etaman.
Siz bilan ushbu qutlug‘ sanani baham ko‘rish, Samarqand davlat universitetining oliy ta’lim, ilmiy tadqiqotlar, innovatsiyalarni rivojlantirish hamda yuqori malakali mutaxassislar tayyorlashga qo‘shayotgan salmoqli hissasini e’tirof etishdan mamnunmiz.
Tomsk davlat universiteti va Samarqand davlat universitetining Sun’iy intellekt va raqamli texnologiyalar instituti o‘rtasida rivojlanib borayotgan hamkorlikni yuksak qadrlaymiz.
Institut sun’iy intellekt, raqamli texnologiyalar va turdosh ilmiy yo‘nalishlar bo‘yicha magistrantlar hamda doktorantlarni tayyorlashda muhim o‘rin tutadi.
Universitetlarimiz qo‘shma ilmiy loyihalar, akademik va talabalar almashinuvi, hamkorlikdagi ilmiy nashrlar, magistrantlar va doktorantlarga ilmiy rahbarlik qilish, ilmiy konferensiyalar o‘tkazish, shuningdek, qo‘shma ta’lim va tadqiqot dasturlarini ishlab chiqish doirasida hamkorlikni yanada rivojlantirish uchun katta salohiyatga ega.
Samarqand davlat universitetiga bundan buyon ham ulkan akademik va ilmiy muvaffaqiyatlar, xalqaro miqyosda e’tirof etilish hamda dunyoning eng yaxshi 300 ta universiteti qatoridan joy olishdek ezgu va ulkan maqsadni muvaffaqiyatli amalga oshirishini tilaymiz.
Universitetlarimiz o‘rtasidagi do‘stlikni yanada mustahkamlash va uzoq muddatli strategik hamkorlikni rivojlantirishga umid bildiramiz.
Chuqur hurmat va ezgu tilaklar bilan,
Eduard Galajinskiy,
Tomsk davlat universiteti rektori.