Hozirgi jazirama kunlarda basseyn va suv havzalarida hordiq chiqarish kishiga orom bag‘ishlaydi. Lekin suzishning ham o‘z qoidalari bor.

    - Qanday hollarda suzish tavsiya etilmaydi?

    - Suvda qo‘l va oyoqlar tomir tortishganda nima qilish kerak?

    Tavsiya etiladi:

    Ro‘yxatdan o‘tgan suv havzalarida, xavfsizlik qoidalari to‘liq rioya etiladigan joylarda;

    Quyoshli kunda, shamolsiz havoda cho‘milish;

    Havo harorati 25 darajadan yuqori bo‘lishi

    Suv harorati 17-19 dan past bo‘lmasligi lozim.

    Tavsiya etilmaydi:

    Ro‘yxatdan o‘tmagan, xavfsizlik qoidalari rioya etilmaydigan oqar suvlarda;

    Charchagan bo‘lsangiz;

    Oftobda ortiqcha qizib ketgan bo‘lsangiz;

    Qorningiz och bo‘lsa;

    Chanqagan bo‘lsangiz;

    Yaqindagina kasaldan tuzalgan bo‘lsangiz.

    Shuningdek, agar suvda vaqtingiz tomir tortishsa:

    Qo‘l barmoqlarida: panjangizni tezda musht qilib, qattiq qisib, qo‘lingizni yon tomonga keskin uloqtirganday harakatlantirib, mushtingizni ochib yuboring;

    Boldir mushaklari tortishganda: engashib, tortishgan oyoq kaftidan ushlab oling, o‘zingizga tomon qattiq torting;

    Son mushaklari tortishganda: to‘piq yaqinida oyog‘ingiz yuzini tashqi tomondan ushlab, oyog‘ingizni tizzadan bukib, orqaga - kuragingiz tomonga torting.

 

Internet manbalari asosida tayyorlandi