Biz ham ancha gʻalvirdan oʻtdik,

Biz chekmagan hasrat qolmadi.

Umr xasga qalangan oʻtdek

Yondi, hech kim asrab qolmadi.

****

Ashkbodaga yuzimiz chayib

Ketaverdik, ruhimiz mayib.

Biz ketganda na yer kengayib

Na osmonlar pastlab qolmadi.

****

Izladik, har dilni toptadik

Bitta ham yurakdosh topmadik.

Siynamizda qoldiyu hadik,

Qalbimizga mos qalb qolmadi.

****

Hamma hislarimiz shahvoniy,

Uddalay olmadik taqvoni.

Yengmoqqa dintarosh dunyoni

Ishqdan boʻlak mazhab qolmadi.

 

Umarjon Ximmatov,

Samarqand davlat universiteti

filologiya fakulteti talabasi