Rosti, taroziga juda koʻp soldim,

Aslida qiymati kepak dunyoning.

Va shuni angladim: yashashdan oldin

Puxta oʻzlashtirish kerak dunyoni.

****

Anglashga urindim yetgancha qurbim,

Ishqning hisobiga falsafa qurdim.

Qonmadim hech qaysi jilvagar hurdin ―

Xullas, sevolmadim kesak dunyoni.

****

Shaklim: ikki oyoq, ikki qoʻl badan,

Umidvor turarkan mudom oʻljadan.

Mitti jigʻildonim bilan oʻlchadim

Nafsimning xoʻragi ― yemak dunyoni.

****

Valekin qay mezon, qay bir xulosa

Qani endi koʻnglim toʻldira olsa...

Bildimki, mushkildur qilmoq murosa,

Anglash mumkin emas, demak, dunyoni!

Umarjon Ximmatov,

Samarqand davlat universiteti

filologiya fakulteti talabasi