Bu hayotda nimalar bo‘lmaydi deysiz!? Gohida jahlimiz shunday chiqadiki, uni jilovlay olmaymiz.

    Xo‘sh, bunday vaziyatda nima qilish kerak?

    Quyida bir necha tavsiyalarni keltirib o‘tamiz:

    -Turgan holatda bo‘lsangiz o‘tirib oling.

    -O‘tirgan bo‘lsangiz yotib oling.

    -Asabiylashishga sabab bo‘layotgan obyektni tark eting.

    -Imkon darajasida hech kimga gapirmang.

    -Hammom qabul qiling, yoki yuz qo‘lingizni sovuq suvda yuving.

    -Yaratganga shukrona ayting.

    -Imkon bo‘lsa, biroz mizg‘ib oling.

    -Shokalad yoki kofe iste’mol qiling.

    Eng asosiysi o‘ylab ko‘ring-chi:

    Shu yoshga kirguncha qancha asab tolalaridan ajraldingiz, qanchalik asabiylashuvchi bo‘lib qoldingiz. Qolgan asab tolalaringiz 60, 70 yoki 80 yoshga kirguningizcha bardosh beradimi?

    Tafakkur qilib ko‘ring:

    - Asabingizni buzganingiz bilan nima o‘zgaradi?

    - Asabingiz arzirli sabab bilan buzilyaptimi o‘zi?

    - Qazoyi-qadar inson qo‘lidami?

    Mana shu savollarga qoniqarli javob bera olsangiz unda mayli “ASABIYLASHAVERING”.

 

Muxtasam Sulaymonov

Samarqand davlat universiteti

psixologiya nazariyasi va amaliyoti kafedrasi o‘qituvchisi