Universitetimiz bugungi kunda Janubiy Koreyaning 10 dan ortiq nufuzli oliy o‘quv yurtlari bilan hamkorlik qilib kelmoqda. Sunchunyang, Dongguk, Gachon, Chonnam universitetlari shular jumlasidan.

    Samarqand davlat universitetida joylashgan Koreya madaniyat markazi Sunchunyang universiteti bilan hamkorlikda tashkil etilgan.

    Ushbu markaz madaniyatlar almashinuvini shakllantirish, talabalarda chet tillariga bo‘lgan qiziqishni oshirish va ikki mamlakat do‘stona aloqalarining ramzi sifatida ochilgan.

    - Markaz talabalarimizning keng tasavvur bilan ilm olishlarida muhim ahamiyat kasb etadi, - deydi Samarqand davlat universiteti xalqaro ta’lim dasturlari fakulteti dekani To‘lqin O‘rozov. – Shuningdek, Koreya milliy liboslari va turli badiiy adabiyotlari yoshlarimizning til o‘rganishga bo‘lgan qiziqishini orttirmoqda. Bizning Koreya universitetlari bilan hamkorligimiz kundan kunga rivojlanib bormoqda. Xususan, biz Sunchunyang universiteti bilan talabalar almashinuvi dasturlarini yo‘lga qo‘yganmiz.

Otabek Sa’dullayev,

Samarqand davlat universiteti

Axborot xizmati xodimi.

Shavkat Akramov olgan suratlar.