img

  2018-yil 23-oktyabr kuni Samarqand davlat universitetida «Informatika» fani bo’yicha Xalqaro olimpiadasining hududiy bosqichi bo’lib o’tdi.

Olimpiadaning hududiy bosqichi amaliy matematika va informatika fakulteti professor-o’qituvchilari va axborot texnologiyalar markazi hodimlari tomonidan tashkil etilib, unda Samarqand davlat universiteti, Toshkent axborot texnologiyalari universitetining Samarqand filiali, Samarqand iqtisodiyot va servis instituti, Samarqand davlat arxitektura - qurilish instituti, Guliston davlat universiteti, Jizzax davlat pedagogika instituti, Navoiy davlat pedagogika instituti, Navoiy davlat konchilik instituti talabalari ishtirok etishdi.

  Olimpiada ikki bosqichda o’tkazildi. Birinchi bosqichda ishtirokchilar Dasturlash bo’yicha masalalarni yechish orqali kuch sinashdi, ikkinchi bosqichda “Informatika” fanidan nazariy testlarni topshirishdi.

Hududiy bosqich g’oliblari Sayidqulov Asliddin Xusniddin o'g'li (SamDU), Norbekov Abdurauf Eshpulot o'g'li (SamDU), Allayorov Jasur A'zamjon o'g'li (SamDU), Abdullayev Ahror Zafar o'g'li (TATU SF), Salimov Sardor Xidirboy o'g'li (TATU SF), G'aniyev Temur Komiljon o'g'li (GulDU) universitetning faxriy yorliqlari bilan taqdirlandilar va Olimpiadaning yakuniy bosqichiga tavsiya etildilar.