Samarqand davlat universiteti ijtimoiy ish kafedrasi
Samarqand davlat universiteti
Ijtimoiy ish kafedrasi mudiri
Sherov Ma’ruf Boltayevich
Ijtimoiy ish kafedrasi dotsenti. U 2002-yildan buyon Samarqand davlat universitetining sotsiologiya va ijtimoiy ish kafedrasida faoliyat yuritib kelmoqda.
Faoliyati davomida respublika ilmiy jurnallarida 50 ga yaqin ilmiy maqolalari, xalqaro va respublika ilmiy anjumanlarida 30 dan ortiq maqola hamda tezislari chop etilgan. Shuningdek, u 4 ta darslik, 3 ta o‘quv qo‘llanma va 4 ta elektron darslik muallifidir.
Jumladan, mualliflar jamoasi bilan hamkorlikda 60920100 – Ijtimoiy ish ta’lim yo‘nalishi uchun yaratilgan “Ijtimoiy ish etikasi” darsligi ushbu mutaxassislik bo‘yicha mamlakatimizda yaratilgan ilk darslik hisoblanadi.
O‘tgan davr mobaynida dotsent M.B. Sherov rahbarligida tahsil olgan iqtidorli talabalar yuqori natijalarga erishib kelmoqda. Xususan, uning ilmiy rahbarligida 4 nafar talaba universitetning Ibrohim Mo‘minov nomidagi hamda Botirxon Valixo‘jayev nomidagi stipendiyalari sohibiga aylangan, shuningdek, 2 nafar talaba Navoiy nomidagi davlat stipendiyasini qo‘lga kiritgan.
Ijtimoiy ish kafedrasi a’zolari
 |
Negmatov Isoqjon +99894 5353602 n-isoq@samdu.uz Isoqjon Negmatov falsafa fanlari nomzodi, dotsent. 1985-yilda “Taraqqiyotning tizimiyligi muammosi” mavzusida nomzodlik dissertatsiyasini muvaffaqiyatli himoya qilgan. Olimning “Iqtisodiy madaniyat va davr” monografiyasi, “Hayotim falsafasi” risolasi “Ijtimoiy ish etikasi” nomli darsligi va “Ijtimoiy ishning etik-professional qadriyatlari” nomli o‘quv qo‘llanmasi nashr etilgan. Olim o‘zining ilmiy-pedagogik faoliyatida falsafa, milliy g‘oya, ma’naviyat asoslari, sotsiologiya va ijtimoiy ish sohasida olib borilayotgan ishlarning ilmiy- nazariy jihatlarini chuqur asoslashga bag‘ishlangan 20 ga yaqin o‘quv-uslubiy qo‘llanmalar, 1 darslik, 1 o‘quv qo‘llanma, 1 monografiya, 5 risolalar muallifi. 200 dan ortiq ilmiy maqolalari e’lon qilingan. 4 Scopus va 15 xalqaro ilmiy jurnallarda maqolalar nashr ettirgan. |
 |
Negmatova Dilovar Isoqjonovna
U ilmiy faoliyati davomida “Yangi O‘zbekistonda mahallabay ishlash tizimining sotsiologik tahlili” mavzusida tadqiqotlar olib borgan. Mazkur yo‘nalishda xorijiy va respublika miqyosidagi nufuzli ilmiy jurnallarda 20 dan ortiq ilmiy maqolalari chop etilgan. 2024-yilda O‘zbekiston Respublikasi Prezidenti huzuridagi Davlat boshqaruv akademiyasida sotsiologiya fanlari bo‘yicha falsafa doktori (PhD) dissertatsiyasini muvaffaqiyatli himoya qilgan. Hozirgi kunga qadar 60 dan ortiq ilmiy ishlar muallifi hisoblanadi. |
 |
Normamatova Maxsuda Nurmamatovna Ijtimoiy ish kafedrasi dotsenti. 2020-yilda "Virtualistikada postnoklassik epistemologiya g’oyalari" mavzusida falsafa doktori (PhD) doktorlik dissertatsiyasini himoya qilgan. Maxsuda Normamatova 1 darslik, 2 monografiya, 1 o‘quv qo‘llanma, 2 o‘quv uslubiy qo‘llanmalar muallifi. Shuningdek, bugunga qadar 10 dan ortiq ilmiy maqolalari xorijiy ilmiy nashrlarda e’lon qilingan. |
 |
Dilfuza Baxriyeva
|
 |
Mavjuda Tangirova tangirovamavjuda1976@gmail.com
|
 |
Toshpo’latov Dostonjon Nodir o’g’li
|
 |
Ijtimoiy ish kafedrasi tarixi Sharof Rashidov nomidagi Samarqand davlat universiteti Ijtimoiy ish kafedrasi Universitet kengashining 2025-yildagi 371-ij buyrug‘iga binoan “Sotsiologiya va ijtimoiy ish” kafedrasi negizida tashkil etildi. Kafedrada 8 nafar o‘qituvchi faoliyat olib boradi: ulardan 1 nafari professor, 4 nafari dotsent va 2 nafari assistent hisoblanadi. Shuningdek, professor-o‘qituvchilar tarkibida 1 nafar fan doktori hamda 1 nafar fan nomzodi (assistent) mavjud. Ijtimoiy ish mutaxassisligi bo‘yicha kadrlar tayyorlash hamda ijtimoiy sohani rivojlantirishga katta e’tibor qaratilgani bois, 2005-yilda Samarqand davlat universiteti tarix fakulteti qoshida ijtimoiy ish yo‘nalishi bo‘yicha talabalar qabul qilina boshlandi. 2009-yilda ushbu yo‘nalishning ilk bitiruvchilari yetishib chiqdi. Ma’lumki, mamlakatimiz ilmiy tizimida ijtimoiy ish nisbatan yosh fan hisoblanadi. Shu sababli bu fanni o‘qitishda ayrim qiyinchiliklar mavjud. Jumladan, ijtimoiy ish bo‘yicha darslik va o‘quv qo‘llanmalar yaratish, ishchi dasturlar tuzish, ijtimoiy sohani rivojlantirishga oid ilmiy maqolalar chop etish hamda talabalarni ushbu yo‘nalishdagi yangiliklardan xabardor qilish zarurati keng ko‘lamli ilmiy tadqiqotlar olib borishni taqozo etadi. |
 |
Shu maqsadda O‘zbekiston Milliy universiteti professori M. Ganieva, dotsent N. Latipova, kafedra mudiri, dotsent I. Negmatov va dotsent M. B. Sherovlar hammualliflikda 2015-yilda “Ijtimoiy ish etikasi” darsligini yaratdilar. Mazkur darslik O‘zbekiston Respublikasi Oliy ta’lim vazirligining “Yilning eng yaxshi darsligi” nominatsiyasida faxrli 2-o‘rinni egalladi. Bundan tashqari, dotsent M. B. Sherovning “Ijtimoiy ishning huquqiy asoslari” hamda “Ijtimoiy ishda xorij mamlakatlar tajribasi” nomli o‘quv-uslubiy qo‘llanmalari ham nashr etildi. 2019-yil yanvar oyidan boshlab dotsent I. Negmatov kafedra mudiri etib tayinlandi. Uning rahbarligida kafedrada 2 ta (DSc) va 4 ta (PhD) dissertatsiya himoya qilindi, 10 ta darslik, 20 dan ortiq o‘quv qo‘llanma, 8 ta monografiya hamda 100 dan ortiq ilmiy-ommabop maqolalar nashr etildi. Ijtimoiy ish kafedrasining yetakchi professor-o‘qituvchilari — I. Negmatov, M. N. Normamatova, M. B. Sherov, D. X. Baxrieva, M. S. Abbasova, M. U. Tangirova va D. Toshpo‘latovlar rahbarligida iqtidorli talabalar bilan ilmiy izlanishlar olib borilmoqda. |
 |
Kafedrada “Ijtimoiy soha ijodkorlari” ilmiy to‘garagi faoliyat yuritadi. To‘garakka kafedra dotsenti M. S. Abbasova rahbarlik qiladi. 18-mart — Butunjahon ijtimoiy ishchilar kuni munosabati bilan talabalar o‘rtasida “Zakovat” intellektual o‘yini o‘tkazilib, g‘olib jamoa taqdirlandi. Shuningdek, O‘zbekiston Respublikasi Prezidenti huzuridagi Ijtimoiy himoya milliy agentligining 2026-yil 11-martdagi 01/27/2145-sonli xatiga asosan, oliy ta’lim muassasalarining ijtimoiy ish yo‘nalishida tahsil olayotgan talabalari 2–3-aprel kunlari Toshkent shahrida o‘tkazilgan “Zakovat” intellektual o‘yinida ishtirok etdilar. Tadbir kafedra mudiri dotsent M. B. Sherov rahbarligida tashkil etildi. Bundan tashqari, talabalar 10 dan ortiq respublika ilmiy jurnallari va konferensiyalarda ilmiy maqola hamda tezislar bilan faol ishtirok etib kelmoqda. |
Kafedra hayotidan fotolavhalar
