Abdulqosimov Ali Abdulqosimovich

ali_abdlkasimov@mail.ru

Geografiya fanlari doktori, professor. 1959-yildan Samarqand davlat universitetida turli lavozimlarda faoliyat yuritib kelmoqda.

Professor Ali Abdulqosimov 5 darslik, 10 dan ortiq oʻquv-uslubiy qoʻllanmalar muallifi. Shuningdek, xalqaro va respublika miqyosidagi ilmiy nashrlarda 200 dan ortiq maqolalar e’lon qilgan. Xalqaro hamda respublika ilmiy-amaliy konferensiyalarida 150 dan ortiq tezislar bilan ishtirok etgan.

Davronov Kamoliddin Qulpiddinovich 

dkamoliddin@gmail.com   

Samarqand davlat universiteti geografiya va tabiiy resurslar kafedrasi katta o‘qituvchisi. 1994-yildan mazkur kafedrada turli lavozimlarda faoliyat yuritib keladi. 
Kamoliddin Davronov ilmiy faoliyati davomida 30 dan ortiq xalqaro hamda mahalliy konferensiya va simpoziumlarda maqolalar, tezislar e’lon qilgan. 2 monografiya mualifi. 

Ganiyev Ziyodulla Akramovich

ziyodulloganiyev67@gmail.com

Samarqand davlat universiteti geografiya va tabiiy resurslar kafedrasida assistenti. Geografiya fanlari boʻyicha falsafa doktori (PhD). Samarqand davlat universitetida 2013-yildan faoliyat yuritib keladi. 2022-yilda “Amudaryo hozirgi deltasi geotizimlari ekologik holatini yaxshilashning geografik asoslari” mavzusida geografiya fanlari boʻyicha falsafa doktori dissertatsiyasini muvaffaqiyatli himoya qilgan.

Ziyodulla Ganiyev faoliyati davomida 1 oʻquv va uslubiy qoʻllanmalar muallifi. Shuningdek, xalqaro va respublika miqyosidagi ilmiy nashrlarda 10 dan ortiq maqolalar, 30 dan ortiq tezislar e’lon qilgan. 

Jo‘raqulova Dilbar Xayrullaevna

d-juraqulova@samdu.uz

Geografiya va tabiiy resurslar kafedrasi o‘qituvchisi, assistent. Samarqand davlat universitetida 2006-yildan faoliyat yuritib keladi.  Hozirgi vaqtda “Antropogen landshaftlarning shakllanishi va tarixiy-genetik davrlashtirish” mavzusida  ilmiy ish olib bormoqda.

Dilbar Jo‘raqulova ilmiy faoliyati davomida koʻplab o‘quv-uslubiy ishlanmalar muallifi hisoblanadi va yetakchi xorijiy ilmiy jurnallarda maqolalar e’lon qilgan. Jumladan, Scopus  bazasiga kiruvchi ilmiy jurnallarda 2 maqola chop ettirgan. 50 ga yaqin xalqaro va respublika konferensiyalarida ilmiy maqolalar e’lon qilgan. Shuningdek,  1 oʻquv-uslubiy  qoʻllanma muallifi.

Scopus va Web of Science bazalaridagi ilmiy maqolalarning elektron manzillari

https://www.testmagzine.biz/index.php/testmagzine/article/view/3641/3195

Fozilov Azamat Sobirovich

 azamat-fozilov@mail.ru

Samarqand davlat universiteti geografiya va tabiiy resurslar kafedrasi assistenti. Samarqand davlat universitetida 2015-yildan faoliyat yuritib keladi. Hozirgi kunda “Ohangaron havzasi yer osti suv resurslariga Olmaliq kon-metallurgiya kombinatining ta’sirini baholash” mavzusida ilmiy-tadqiqot ishini olib boradi.

Azamat Fozilov faoliyati davomida 1 oʻquv-uslubiy qoʻllanma muallifi. Shuningdek, xalqaro va respublika miqyosidagi ilmiy nashrlarda 10 dan ortiq maqolalar, 15 dan ortiq tezislar e’lon qilgan.

Sabirova Nilufar Tairovna

nilufar.samsu@gmail.com

Geografiya fanlari bo‘yicha falsafa doktori, dotsent. Samarqand davlat universitetida 2009-yildan faoliyat yuritib keladi. 2020-yilda “Aydar-Arnasoy ko‘llar tizimining landshaftlar transformatsiyasiga ta’sirini baholash va geoekologik vaziyatini optimallashtirish” mavzusida nomzodlik dissertatsiyasini himoya qilgan. Nilufar Sabirova ilmiy faoliyati davomida 1 monografiya, 1 o‘quv-uslubiy uslubiy koʻrsatmalar nashr ettirgan. Xalqaro va respublika ilmiy jurnallarda 20 dan ortiq maqolasi e’lon qilingan. 30 dan ortiq konferensiya va simpoziumlarda tezislari bilan ishtirok etgan. Аsosiy ilmiy yoʻnalishi tabiiy geografiya, landshaftshunoslik, limnologiya, GIS, masofaviy zondlash, geoekologiya hisoblanadi.

Valiyeva Shaxnoza Islomovna

shahnovavali@mail.ru 

Samarqand davlat universiteti geografiya va tabiiy resurslar kafedrasi assistenti Samarqand davlat universitetida 2017-yildan beri faoliyat yuritib keladi. 
Shaxnoza Valiyevaning Scopus va Web of Science bazalarida indekslanadigan ilmiy jurnallarda 1 ta maqolasi e’lon qilingan. 20 dan ortiq xalqaro hamda mahalliy konferensiyalarda tezislari bilan ishtirok etgan. Ayni vaqtda “Samarqand viloyati joy nomlarining tabiiy geografik xususiyatlari” mavzusida ilmiy ish olib bormoqda. 
Scopus va Web of Science bazalaridagi ilmiy maqolalarning elektron manzili:
http://sersc.org/journals/index.php/IJAST/article/view/16802

Geografiya va tabiiy resurslar kafedrasi haqida

Samarqand davlat universiteti geografiya va tabiiy resurslar kafedrasi 1934-yilda Geologiya-geografiya fakulteti qoshida umumiy tabiiy geografiya kafedrasi sifatida tashkil topgan. Geografiya va tabiiy resurslar kafedrasining shakllanishi va rivojlanishida turli yillarda V.A.Lopato, K.F.Kondratyeva, Ya.A.Leven, N.I.Leonov, M.U.Umarov, Z.Sultonov, L.A.Alibekov, S.B.Abbasov, X.T.Nazarovlar, Q.S.Yarashev va R.I.Mamajanovlarning xizmatlari kattadir.

Bugungi kunda geografiya va tabiiy resurslar kafedrasi professor-o‘qituvchilari «Janubi-G‘arbiy O‘zbekiston geosistemalarini xaritalashtirish, ulardan foydalanish va ekologik baholash» mavzusida ilmiy tadqiqot ishlarini olib borishmoqda. Ilmiy tadqiqot ishlari Janubi-G‘arbiy O‘zbekiston tabiati, tabiiy resurslardan rasional foydalanish, atrof-muhitni muhofaza qilish, geoekologik muammolar, landshaftlarni inson hayoti uchun optimallashtirish, tabiatdagi bo‘lajak o‘zgarishlarni bashoratlash kabi masalalariga qaratilgan.

Geografiya va tabiiy resurslar kafedrasi professor-o‘qituvchilari 1995-yildan boshlab respublikamizda birinchilardan bo‘lib xalqaro aloqalarni yo‘lga qo‘ygan. Kafedra professori A.Abduqosimov boshchiligida Yevropa Ittifoqining Tasic dasuri doirasidagi xalqaro loyihada qatnashgan. 1995-1998-yillar davomida  turizm, urbanizm, shahar transporti va shahar ekologiyasi muammolari bo‘yicha Yevropaning nufuzli oliy o‘quv yurtlari va markazlari bilan jumladan, Bryusseldagi La-Kambra oliy arxitektura instituti (Belgiya), Kotoloniya politexnika universiteti (Ispaniya), Milan politexnika universiteti (Italiya) xodimlari bilan ilmiy hamkorlikda tadqiqot ishlarini olib borgan.

Loyiha doirasida kafedra xodimlari Bryussel La-Kambra oliy arxitektura institutida uch oylik xalqaro malaka oshirish kurslarini tamomlagan, 3 kishi 1997-yilda Milan politexnika universitetida axborot texnologiyalari bo‘yicha 6 oylik malaka kurslar va seminarlarda ishtirok etib xalqaro sertifikat sohibi bo‘lishgan.

Kafedrani ko‘p yillar boshqargan professor Lafas Alibekov bir necha yillar davomida NATOning atrof-muhit muhofazasi komissiyasi a’zosi sifatida faoliyat ko‘rsatdi. Ilmiy tadqiqot sohalaridagi xizmatlari inobatga olinib Lafas Alibekovga "O‘zbekiston Respublikasi fan arbobi" unvoni berilgan.

Kafedra professor-o‘qituvchilari fundamental, amaliy tadqiqotlar va innovatsion loyihalar bo‘yicha ilmiy - tadqiqot ishlarini bajarishda ham faol ishtirok etgan. Jumladan, dotsent Rasul Mamajanov “Samarqand viloyatining o‘lkashunoslik atlasini tuzish”, Samarqand viloyatining “Atrof-muhit muhofazasi”, “Ekologik”, “Ichimlik  suvlar sifati”, “Maishiy xo‘jalik chiqindilarining tarqalishi”, “Yangi stasionar postlar yordamida Samarqand viloyatining elektr energiya beradigan shamol resurslarini o‘rganish va kartasini tuzish” bo‘yicha loyihalarda, dotsent X.Nazarov  “Zarafshon vodiysining rekreasiya, turistik va ekologik kartalarini tuzish” mavzusidagi grantlar bo‘yicha ilmiy tadqiqot ishlarini bajargan.

Kafedra xorijiy davlatlar bilan aloqalari yaxshi yo‘lga qo‘yilgan. Jumladan, Slupskdagi Pomeraniya akademiyasi (Polsha), Ruminiyaning Aleksandr Ioan Kuza universiteti  (Ruminiya), Moskva davlat universiteti, Oltoy davlat universiteti, Shimoliy Kavkaz Federal universiteti, Chuvash davlat universiteti (Rossiya), O‘sh davlat universiteti (Qirg‘iziston), Qozog‘iston milliy pedagogik universiteti (Olmaota), Boku davlat universiteti (Azarbayjon) va ko‘plab xorijiy Ruminiya, Chexiya, Slovakiya davlatlarining oliy o‘quv yurtlari va markazlari bilan aloqalar o‘rnatilgan.

So‘nggi yillar davomida kafedra xodimlari tomonidan 150 ga yaqin ilmiy maqola va tezislar, 6 ta darslik, 14 ta o‘quv qo‘llanma va 10 ta monografiya nashr ettirildi. Ushbu ilmiy tadqiqot natijalaridan respublikamiz barcha oliy o‘quv yurtlarida foydalanib kelinmoqda.

Hozirgi kunda kafedrada 1 ta fan doktori, professor, 3 ta fan nomzodi, dotsent, 1 ta katta o‘qituvchi va 3 nafar assistentlar faoliyat yuritishmoqda.

Kafedrada o‘rindoshlik asosida xorijiy Rossiya, Qirg‘iziston, Hindiston davlatlari professor-o‘qituvchilari ishga qabul qilingan. Geografiya va tabiiy resurslar kafedrasida 5A140602-Geografiya (o‘rganish obyekti bo‘yicha)  yo‘nalish bo‘yicha magistratura mavjud bo‘lib, bugungi kunda 30 nafar magistrant tahsil olmoqda. Kafedra qoshida «Joy plani va mo‘ljal olish» nomli talabalar ilmiy to‘garagi faoliyat yuritib kelmoqda. To‘garakka geografiya bo‘limining 50 ga yaqin talabalari a’zo hisoblanib, ular o‘zlarining dolzarb mavzulari bilan ma’ruza qilib kelmoqda.

Kafedrada oʻqitiladigan fan dasturlari  

Bakalavr

Yer bilmi asoslari

Umumiy yer bilimi

Geografiyada amaliy mashg‘ulotlar

Inson va tabiat

Geoekologiya asoslari

Topografiya kartografiya va GIS

Geografiya tarixi va metodologiyasi

Toponimika

Landshaftshunoslik

Materiklar va okeanlar tabiiy geografiyasi

Antropogen landshaftshunoslik

Tabiat va geografiya o‘qitish metodikasi

Umumta’lim  darsliklar mazmuni

O‘rta Osiyo tabiiy geografiyasi

O‘zbekiston tabiiy geografiyasi

Geografik tadqiqot metodlari

Amaliy geografiya

Geografik rayonlashtirish asoslari

Geografiyani o‘qitishda innovasion texnalogiyalar

Tabiatdan foydalanishning geografik asoslari

Cho‘llanish muammolari

Magistratura

Geografiya tarixi, nazariyasi va metodologiyasi

Geotizimlar haqida ta’limot

Tabiiy fanlarda GIS texnologiyasi

Amaliy landshaftshunoslik

Global va regional geoekologik muommolar

Tabiatdan foydalanish strategiyasi

Barqaror rivojlanish konsepsiyasi

Tabiiy geografik jarayonlar va ularni modellashtirish