Samarqand davlat universitetida "Markaziy Osiyo mintaqasida yuz berayotgan integrasiya jarayonlarining madaniy, lingvistik va adabiy masalalari" nomli xalqaro konferensiya bölib ötdi. Anjumanni Samarqand davlat universiteti rektori, Özbekiston Respublikasi fan arbobi, Oliy Majlis Senati a’zosi Rustam Xolmurodov kiriş sözi bilan oçdi.

Sönggi ön yilda Markaziy Osiyo davlatlarida çuqur ijobiy özgarişlar yuz berdi. Mintaqada çinakam qardoşlik, döstlik va yaxşi qöşniçilik munosabatlari mustahkamlandi. – dedi Rustam Xolmurodov öz sözida. “Umumiy taqdir – umumiy kelajak” ğoyasi siyosiy da’vatdan amaliy voqelikka aylandi. Iqtisodiy va siyosiy integrasiya jarayonlari bilan bir qatorda madaniy, lisoniy, adabiy va ta’limiy yaqinlaşuv mintaqaviy barqarorlik va özaro işonçni mustahkamlaşning eng muhim omillaridan biriga aylanmoqda. Tarixan Markaziy Osiyo yagona makon bölib kelgan. Uluğ allomalarning ilmiy merosi bugungi kunda ham mintaqani birlaştiruvçi eng kuçli madaniy-ma’naviy omil bölib qolmoqda. Samarqand davlat universiteti, xususan, uning Markaziy Osiyo xalqlari tillari va madaniyati instituti uşbu yönalişda faol iş olib bormoqda. Universitet Markaziy Osiyo davlatlari oliy ta’lim muassasalari bilan akademik almaşinuv, qöşma dasturlar va tadqiqot loyihalarini kengaytirişga alohida e’tibor qaratmoqda.

Qozoğiston respublikasining Samarqanddagi boş konsuli Talgat Şaripov, Turkiya Respublikasining Samarqanddagi boş konsulining vakili Suxan Çağlar, Tojikiston Milliy universiteti professori, akademik Abdujabbor Rahmonzod,
Markaziy Osiyo xalqlari tillari va madaniyati instituti direktori Jöliboy Eltazarov, Turkiya Respublikasining Pamukqal’a universiteti professori Nargis Biray, Qozoğistonning Ahmad Yassaviy nomidagi xalqaro qozoq-turk universiteti professori Elmira Zulpixarova, Qirğiziston Respublikasining Öş davlat universiteti professori Venera Sobirova ma’ruzalar qildilar.