Samarqand davlat universiteti tarix fakultetida "Tarixiy yondashuv: Markaziy Osiyo va Samarqandda qo‘shnichilik an’analariga asrlar osha nazar" nomli xalqaro konferensiya o‘tkazildi.

    Nufuzli anjumanda Hindiston, Eron, Turkiya, Rossiya, Pokiston, Qozog‘iston kabi davlatlardan 40 ga yaqin olimlar ma'ruzasi bilan ishtirok etdi.

    Konferensiyani SamDU xalqaro hamkorlik bo‘yicha prorektori, professor Akmal Axatov kirish so‘z bilan, barcha ishtirokchilarga omad tiladi.

    Xalqaro anjuman gibrid shaklda o‘tkazilib, rus va ingliz tillarida olib borildi.

    Anjuman madaniyatlararo aloqalar va Yevroosiyoning yirik shaharlari (Samarqanddan Qurdobagacha), Samarqand ziyolilari: sugʻdiylardan jadidlargacha, Markaziy Osiyo tarixi, falsafasi va madaniyatida qoʻshnichilik kabi sho‘balarga bo‘lingan holda o‘z ishini davom ettirdi.

    - Bugungi konfereniya Samarqanddan Qurdobagacha bo‘lgan tarixchi olimlarni bir yerga jamlamoqda, - deydi SamDU jahon tarixi kafedrasi mudiri, dotsent Shohista Hamroqulova. – Hozirgi globallashayotgan dunyoda turli xavf-xatarlar va tahdidlar oshib borayotgan bir vaqtda qo‘shnichilik an’anasini o‘rganishga har qachongidan ko‘ra ko‘proq e’tibor ortmoqda. Konferensiya doirasida Markaziy Osiyoda kechgan jarayonlar va innovatsiyalar almashuvi, ijtimoiy-iqtisodiy hodisalar, xalqalar o‘rtasidagi etnomadaniy jarayonlardagi do‘stlik va qo‘shnichilik an’analarini o‘rganish, ulardan saboq olib, ijobiy tomonlarini bugungi kun muammolarini yechimiga xizmat qildirish maqsadga muvofiqdir. Anjumanda qo‘shnichilik faktorining siyosiy, madaniy, ijtimoiy, iqtisodiy, diniy-etnik jihatlariga va tarixiy yondashuv masalalariga ilmiy jihatdan yondashiladi…

 

    Samarqand davlat universiteti

    Axborot xizmati.