Shanxay universitetida (Shanxay sh., XXR) tahsil olish uchun nufuzli Xitoy hukumati stipendiyasi (CSC) – “Ipak yo‘li” (Silk Road Program) dasturiga arizalar qabuli ochiq. Bu dunyoning yetakchi universitetlaridan birida to‘liq grant asosida o‘qish uchun ajoyib imkoniyatdir.

Shanxay universiteti (SHU) haqida

Shanxay universiteti – Xitoyning yetakchi davlat universiteti bo‘lib, “Project 211” va “Double First-Class” davlat tashabbuslari a’zosi hisoblanadi. Universitet ARWU (2025) jahon reytingida 201–300-o‘rinlarni, U.S. News (2025) reytingida esa 296-o‘rinni egallab turibdi. https://apply.shu.edu.cn

Universitetda 40 000 dan ortiq talaba, jumladan, 150 dan ortiq mamlakatdan 3 100 dan ziyod xorijiy talaba tahsil oladi.

“International Talent Development Program” quyidagi sohalarda yuqori malakali mutaxassislarni tayyorlashga qaratilgan:

  • Muzeyishunoslik;
  • Madaniy merosni saqlash;
  • Dizayn;
  • Jurnalistika va kommunikatsiyalar.

Mavjud ta’lim dasturlari:

  • Museum Studies (Magistratura) – ingliz yoki xitoy tilida.
  • Cultural Heritage (Doktorantura) – xitoy tilida.
  • Design (Magistratura) – xitoy tilida.
  • Journalism and Communication (Magistratura va doktorantura) – ingliz yoki xitoy tilida.

Dastur quyidagilarni o‘z ichiga oladi:

  • O‘qish xarajatlarini to‘liq qoplash;
  • Turar joy (talabalar turar joyi yoki ijara kompensatsiyasi):
  • Magistratura uchun: oyiga 700 yuan;
  • Doktorantura uchun: oyiga 1000 yuan;
  • Har oylik stipendiya:
  • Magistratura: 3 000 yuan;
  • Doktorantura: 3 500 yuan;
  • Tibbiy sug‘urta (yiliga 800 yuan).

Nomzodlarga qo‘yiladigan talablar:

  • 2026-yil bitiruvchilari;
  • Avvalgi yillar bitiruvchilari;
  • Yuqori akademik ko‘rsatkichlarga ega va xalqaro ilmiy-ta’limiy faoliyatga qiziqqan talabalar.

Arizalar topshirishning oxirgi muddati: 2026-yil 10-may.

Qo‘shimcha ma’lumot olish va ariza topshirish uchun universitetning Xalqaro hamkorlik boshqarmasiga murojaat qiling.

Xitoyning yetakchi universitetlaridan birida tahsil olish va bebaho xalqaro akademik tajribaga ega bo‘lish imkoniyatidan foydalaning!

Yuklab olish