Yogyakarta Muhammadiya universiteti (UMY) butun dunyo oliy ta’lim talabalarini (bakalavriat) intensiv fanlararo dasturda ishtirok etishga taklif etadi. Bu yilgi ICOMUH zamonamizning eng dolzarb muammolaridan biri – Osiyo-Tinch okeani mintaqasida iqlim barqarorligiga bag‘ishlanadi.

    Dastur haqida qisqacha

    Janubi-Sharqiy va Sharqiy Osiyoda iqlim xatarlari kuchayib borayotgan bir vaqtda, faqat texnik yondashuvlardan tashqariga chiquvchi yechimlarga ehtiyoj ortmoqda. ICOMUH 2026 iqlim barqarorligini inson omiliga yo‘naltirilgan jarayon sifatida ko‘rib chiqadi. Dastur davomida mahalliy jamoalarning faolligi, madaniy nozikliklar va madaniyatlararo muloqot atrof-muhitni boshqarish hamda ijtimoiy inklyuzivlikdagi kamchiliklarni qanday to‘ldirishi mumkinligi o‘rganiladi.

    Dastur Indoneziyaning madaniy markazi – Yogyakarta shahrida bo‘lib o‘tadi. Kurs bo‘lajak yetakchilarga yuqori darajadagi munozaralarda qatnashish va amaliy tajriba orttirish uchun noyob platforma taqdim etadi.

    ICOMUH 2026 da ishtirok etishning afzalliklari:

• Mintaqaning yetakchi ekspertlari bilan inklyuziv boshqaruv va iqlim siyosati bo‘yicha ma’ruzalar va munozaralar.

• Amaliyotga yo‘naltirilgan ta’lim:

- Bumi Langit Permakultura instituti: barqaror rivojlanish bo‘yicha dunyoga mashhur markaz.

- Banyu Bening yomg‘ir suvi maktabi: suv resurslarini boshqarish va jamoalar barqarorligini mustahkamlashning innovatsion modeli.

• Yogyakarta (Indoneziya madaniy markazi) meros ob’ektlari bilan tanishish orqali madaniyatlararo hamkorlikni chuqur anglash.

Muddatlar va ma’lumotlar:

• Arizalar qabuli: 2026-yil 5-yanvar – 31-may.

• O‘tkazilish sanasi: 2026-yil 3–8-avgust.

• Ro‘yxatdan o‘tish badali: 100 AQSH dollari (USD).

Dastur nimalarni o‘z ichiga oladi?

• O‘qish xarajatlari;

• Turar joy;

• Mahalliy transport;

• Madaniy va ekskursiya tadbirlari;

• Nonushta va tushlik.

Xalqaro aviachiptalar va viza xarajatlari qoplanmaydi.

Nomzodlarga qo‘yiladigan talablar:

• Barqaror rivojlanish, insonparvarlik faoliyati va xalqaro munosabatlarga qiziqishi bo‘lgan barcha yo‘nalishdagi bakalavriat talabalari taklif etiladi.

• Butun dunyodan jami 20 ta o‘rin ajratilgan – bu har bir ishtirokchiga maksimal e’tibor va yaqin netvorkingni kafolatlaydi.

Ro‘yxatdan o‘tish: https://icomuh.umy.ac.id/

Qo‘shimcha ma’lumot uchun universitet xalqaro aloqalar bo‘limiga murojaat qilishiungiz mumkin.