Самарқанд давлат университети интеллектуал тизимлар ва компьютер технологиялари факультетида Малайзиянинг Теренггану университети билан онлайн семинар ташкил этилди.

    Анжуманда СамДУ халқаро ҳамкорлик бўйича проректори Акмал Ахатов, интеллектуал тизимлар ва компьютер технологиялари ҳамда математика факультети профессор-ўқитувчилари ва Малайзиянинг Теренггану университети мутассадилари иштирок этди.

    Семинарда ахборот технологиялари ва амалий математика соҳасида ўзаро ҳамкорлик масаласи кўрилди. PhD тадқиқотчилари тайёрлаш, сунъий интеллект, блокчейн, ахборот хавфсизлиги йўналишларида ҳамкорликда тадқиқотлар олиб бориш, талаба ва магистр алмашинуви, ўқитувчиларни қисқа муддатли стажировкаларга юбориш ва қабул қилиш масалалари муҳокама қилинди.

Самарқанд давлат университети

Ахборот хизмати.