Kiyamov Nishon Sadikovich

kiyamovnishon@samdu.uz

Pedagogika fanlari doktori,  professor. SamDU fakultetlararo pedagogika kafedrasida 1991-yildan faoliyat ko‘rsatib kelmoqda. 1995-yilda “Maktab musiqa darslari orqali o‘smirlarda vatanparvarlik va baynalmilal his-tuyg‘ularini shakllantirish” mavzusida nomzodlik dissertatsiyasini  himoya qilgan. 2019-yilda “Oliy ta’lim muassasalari talabalarida musiqiy madaniyatni shakllantirishning pedagogik asoslarini takomillashtirish”  mavzusi bo‘yicha pedagogika fanlari doktori (DSc) dissertatsiyasini himoya qilgan.

Olim ilmiy faoliyati davomida 2 ta uslubiy qo‘llanma, 2 ta monografiya 10 dan ortiq xorijiy, 80 dan ziyod respublika jurnallarida e’lon qilingan maqolalar muallifi

Ulasheva Dilorom Sherbekovna

ulashevadilorom@samdu.uz

 SamDU fakulьtetlararo pedagogika kafedrasida 2019-yildan buyon faoliyat ko‘rsatib kelmoqda. “Совершенствование эффективности самостоятельной работы студентов на основе критического мышления” mavzusida ilmiy tadqiqot olib boradi.

Ilmiy faoliyati davomida1 o’quv qo’llanma, 3 xorijiy va 6 respublika jurnal va ilmiy anjumanlarda maqola va tezislar e’lon qilgan.

Narziyeva Zarrina Abduxalimovna

narziyevazarrina@samdu.uz

SamDU fakultetlararo pedagogika kafedrasida 2019-yildan faoliyat ko‘rsatib kelmoqda. “Musiqa madaniyati darslarida o‘quvchilarni xalq qo‘shiqlari vositasida axloqiy tarbiyalash tizimini takomillashtirish (5-7-sinflar misolida)”   mavzusida ilmiy tadqiqot olib boradi.

Ilmiy faoliyati davomida 1 o‘quv qo‘llanma, 3 xorijiy va 8 respublika jurnal va ilmiy anjumanlarda ilmiy maqolalar e’lon qilgan.

Pulatova Muhabbat Egamberdiyevna

pulatovamuhabbat@samdu.uz

SamDU fakultetlararo pedagogika kafedrasida 2017-yildan buyon faoliyat ko‘rsatib kelmoqda. “Boshlang‘ich sinf o‘qituvchilarining innovatsion kompetensiyasini rivojlantirishning pedagogik asoslari”  mavzusida ilmiy tadqiqot olib bormoqda.

Ilmiy faoliyati davomida  8 xorijiy va 15 respublika jurnal va ilmiy anjumanlarda ilmiy maqola va tezislar e’lon qilgan.

Berdikulova Nasiba Erkinjonovna

berdiqulovanasiba@samdu.uz

Sharof  Rashidov nomidagi Samarqand davlat universiteti  fakultetlararo pedagogika kafedrasida 2020-yildan buyon faoliyat yuritmoqda. “Совершенствование инновационных и интеграционных технологий для студентов направления начального обучения”(“Boshlang‘ich ta’lim yo‘nalishi talabalarida innovatsiya va integratsion texnologiyalarni takomillashtirish”) mavzusida ilmiy tadqiqot olib bormoqda.

Nasiba Berdikulova 1 o‘quv qo’llanma, 2 xorijiy va 7 respublika jurnallarida ilmiy maqolalar e’lon qilgan.

Jum’azoda Malika

jumazodamalika@samdu.uz

Samarqand davlat universiteti  fakultetlararo pedagogika kafedrasida 2018-yildan buyon faoliyat yuritmoqda. “Ommaviy axborot vositalari orqali talabalarni ijodkorlik faoliyatiga yo‘naltirishning pedagogik asoslari”   mavzusida ilmiy tadqiqot olib bormoqda.

Malika Jum’azoda faoliyati davomida 1 darslik 5 xorijiy va 7 respublika jurnallarida ilmiy maqolalar e’lon qilgan.

Javliyeva Shaxnoza Baxodirovna

javliyevashaxnoza@samdu.uz

Sharof  Rashidov nomidagi Samarqand davlat universiteti  fakultetlararo pedagogika kafedrasida 2005-yildan buyon faoliyat yuritmoqda. “Oliy ta’lim muassasalarida ta’lim sifatini oshirishning pedagogik mexanizmlarini takomillashtirish” mavzusida ilmiy tadqiqot olib bormoqda.

Shaxnoza Javliyeva faoliyati davomida 2 xorijiy va 12 dan ortiq respublika jurnallarida ilmiy maqolalar e’lon qilgan.

Fakultetlararo pedagogika kafedrasi tarixi

Pedagogika kafedrasi universitet bilan tengdosh kafedralardan biri hisoblanadi. Kafedraning, tashkil topish, ilmiy markazga aylanishida akademik A.M.Baxouddinov, M.Ashrafiy, A.S.Yefimov singari olimlarning xizmatlari katta bo‘lgan. Bu ilmiy maktabning asosiy rivojlanishi professor A.S.Yefimov nomi bilan chambarchas bog‘liq bo‘lib, bu olim ta’lim-tarbiya sohasida yetuk mahalliy, milliy kadrlar bilan boyitishda jonbozlik ko‘rsatdi. Pedagogika kafedrasiga ko‘p yil mudirlik qilgan O‘zbekistonda xizmat ko‘rsatgan fan arbobi, professor A.S.Yefimov rahbarligida o‘nlab pedagogika fanlari nomzodlari tayyorlangan bo‘lib, ular O‘zbekiston va qo‘shni xorijiy davlatlar oliy o‘quv yurtlarida ishlamoqdalar. Prof.A.S.Yefimov pedagogika fanlari nomzodlari, dotsentlar F.Bozorov, S.Rahimov, X.Samatov, X.Abduraximova, A.Choriyev kabi 40 ga yaqin fan nomzodi yetishtirib, o‘zining ilmiy maktabini yaratdi. Jumladan, X.Abduraximova olimning bevosita rahbarligida “O‘zbek oilalarida internatsional tarbiya” mavzusida nomzodlik ishini himoya qildi. 

Bozorov F. “Mendeleyevning ilmiy-pedagogik merosi va uni O‘zbekistonning oliy pedagogik o‘quv yurtlarida o‘rganish”, S.Rahimov “Abu Ali ibn Sinoning pedagogik qarashlari” M.Shyerboyev “Kolxoz oilasida tarbiya masalalari”, A.Gʻaniyev “S.Ayniniyning pedagogik qarashlari” mavzularida nomzodlik dissertatsiyalarini himoya qilib, bu asosda bir qator ilmiy-nazariy asarlar chop qilishdi. Yefimov Afanasiy Semyonovichni nafaqat O‘zbekiston, balki O‘rta Osiyo ilmiy–pedagogik jamoatchiligi pedagogika fani nazariyotchilaridan bir sifatida ye’tirof yetganlar. Olim o‘z vaqtida oliy ta’limni rivojlantirish va pedagogika fanlarini muvofiqlashtirish bo‘yicha qator kengashlarning a’zosi yetib saylagan. A.S.Yefimov asos solgan bu ilmiy maskan 1980-yilga qadar pedagogika-psixologiya kafedrasi nomi bilan atalib kelgan. Shunday ekan, nafaqat pedagogik bilim, balki psixologiya bo‘yicha ham amalga oshirilgan ilmiy faoliyatining rivojida ham professor Yefimov Afanasiy 

Semyonovichning xizmatlari katta. Murabbiyning shogirdi S.Rahimov ana shu yo‘nalish bo‘yicha yirik tadqiqotlarni amalga oshirdi. Ye.A.Iskandarov, Y.Masharipov, Ye.To‘raqulov va boshqalar shular jumlasidandir. 1988-1996-yillar mobaynida pedagogika kafedrasida Yefimov Afanasiy Semyonovichning shogirdi, “Oliy ta’lim a’lochisi” dots.F.Bozorov yetakchilik qilib keldi. Bu davr ichida M.Semyonov, Y.Axrorov, K.Hasanova, G.Muzafffarova, I.Ilyosov, X.Bo‘riyev, I.Rozziqov kabi olimlar o‘z nomzodlik ishlarini muvaffaqiyatli himoya qildilar.

    Turli davrlarda kafedraga A.S.Yefimovdan so‘ng F.Bozorov, N.SHodiyev, M.Ashurov, Y.Axrorovlar mudirlik qilishdi.

    Hozirgi paytda kafedrada 15 ga yaqin professor-o‘qituvchilar faoliyat ko‘rsatmoqda.

Kafedra o‘qituvchilari tomonidan bugungi kunga qadar 10 dan ortiq darslik,  o‘quv qo‘llanma, ma’ruzalar matni, o‘quv-uslubiy qo‘llanma, majmua va ko‘rsatmalar  yaratilgan. Shuningdek, 5 dan ortiq monografiya, 20 ga yaqin ilmiy ommabop risola, 30 dan ziyod ilmiy to‘plam, 800 dan ortiq ilmiy maqola, 200 dan ortiq ilmiy-ommabop maqolalar nashr etilgan.

Kafedrada o‘qitiladigan fan dasturlari

Bakalavr

• Umumiy pedagogika
• Boshlang‘ich ta’lim pedagogikasi, innovatsiyasi va integratsiyasi
• Tarbiyaviy ishlar metodikasi
• Ijtimoiy pedagogika
• Pedagogik mahorat
• Pedagogik konfliktologiya